Notícies Veir istoric
Daurit eth 1er termini de sollicitud des subvencions der Ajuntament de Vielha e Mijaran
Aguest prumèr termini durarà enquiath pròplèu 31 de mai
Er Ajuntament de Vielha e Mijaran dauric eth darrèr dimèrcles 27 d’abriu, eth prumèr termini entara sollicitud des subvencions der exercici 2016. Daurit, tant a persones fisiques coma juridiques, er objècte dera convocatoria ei era concession d’ajudes entà subvencionar despeses derivades dera organizacion d’actes e activitats d’ espòrt, musica, cultura, joenessa, servicis sociaus, torisme, hèstes, educacion, cooperacion e autes, d’acòrd que çò que dispòse er article 6 dera Ordenança Reguladora des Bases Generaus de Concession de Subvencions der Ajuntament de Vielha e Mijaran. (BOP nº 33 de 9 de març de 2006) que se realizen pendent tot er exercici 2016.
Eth termini de presentacion des sollicituds serà: 1er. Termini deth 27 d’abriu enquiath dia 31 de mai de 2016. 2º termini s’iniciarà dempús dera aprobacion dera convocatoria enquiath dia 30 de seteme de 2016. Es activitats subvencionades s’auràn de realizar abantes deth dia 30 de noveme der an 2016 (includit), a excepcion d’aqueres que se realizen en relacion damb eth cors escolar (Art. 15 Ordenança Subvenciones der Ajuntament). Tota era informacion e es modèls de sollicitud de dites subvencions se pòden trapar en www.vielha-mijaran.org, En tablón d’anoncis e ena secretaria der Ajuntament de Vielha e Mijaran.
29/04/2016