Notícies Veir istoric
Daurida era 2ª convocatòria dera plaça d’administracion en recaptacion
Eth sistèma de seleccion serà de Concors - oposicion
Per acòrd deth Conselh de Govèrn Locau de data 8 de hereuèr de 2016, s’aprovèren es bases tara convocatòria entara contractacion, en regim de personau laborau interin, d’administratiu/ua, entara provision d’ua plaça vacanta ena plantilha der Ajuntament, en servici de recaptacion, mejançant eth sistèma de concors-oposicion. Per Resolucion deth Baile en data 27 d’abriu de 2016 se declare desèrt eth procès selectiu anterior e se convòque nauaments eth procediment. Eth termini de presentacion de sollicituds ei de 20 dies naturaus a compdar des deth dia següent ara publicacion d’aguest anónci en Bulletin Oficiau dera Província de Lhèida. Es succesius anóncis d’aguesta convocatòria, quan procedisque de conformitat damb es bases, se publicaràn en tablón d’edictes e en era pagina web der Ajuntament www.vielha-mijaran.org Contra era presenta convocatòria, se pòt interpausar alternatiuaments recorsi potestatius de reposicion.
Ei objècte dera presenta convocatòria era contractacion, per arrasons justificades de besonh e urgéncia, d’un administratiu/ua, administracion generau, subescala administratiua, grop C, subgrup C1, vacant ena plantilha de personau laborau d’aguest Ajuntament, damb caractèr interin, mejançant concors-oposicion, enquià qu’eth lòc se corbisque damb caractèr fix. Es principaus foncions qu’a de realizar era persona nomentada seràn de trabalhs deth servici de recaptacion, sense perjudici de prestar es sòns servicis en quina auta foncion que sigue municipau de besonh, en tot hèr tramitacion d’expedients administratius, trabalhs de gestion administratiua e documentau, atencion ath public, e uns auti similars.
03/05/2016