Notícies Veir istoric
Eth 28 e 29 de noveme arribe eth Gran Recapte d’Aliments
Damb tres punts de recuelhuda en Vielha
Eth diuendres 28 e dissabte 29 de noveme se realize eth Gran Recapte d’Aliments qu’en territòri aranés organize Càritas Val d’Aran, damb era collaboracion dera Associacion de Volentaris Val d’Aran, er Ajuntament de Vielha e Mijaran e eth Conselh Generau d’Aran.
Pendent aguestes dues jornades solidàries, en qué era gent pòt dar aliments basics entàs persones e familhes mès necessitades, i aurà tres punts de recuelhuda enes supermercats Plus, Caprabo e Mercadona, toti eri en Vielha. Es aliments de mès de besonh son: lèit, òli, legums, galetes, cereals entà l’esdejoar, borrassetes entà mainatges, conserves de peish, tomata fregida e minjar entà mainatjons.
Se requerissen volontaris (en principi auràn de corbir un torn de 3h/4h pendent un des dus dies de recapte) entà ajudar a arrecuélher, emmagazinar e comptabilizar es aliments que s’artenhen en Gran Recapte d’Aliments. Es interessadi en ajudar pòden trucar ath 698 411 431, entà implicar-se encara mès en aguesta prepausa solidària.
Mès informacion en granrecapte.com
19/11/2014