Notícies Veir istoric
Vielha celèbre era sua Hèsta de Sant Pònç damb toti es sòns vesins
25au Concors de Pastissi, Licors e Confetures
Ager, dimèrcles 11 de mai pera tarde, er Ajuntament de Vielha e Mijaran celebrèc era Hèsta de Sant Pònç e organizèc eth 25au Concors de Pastissi, Licors e Confetures, en Ajuntament damb un gran nombre de concorsants e vesins que s’apropèren a gaudir d’aguesta hèsta. Aguest Hèsta que se celèbre cada an en aunor a Sant Pònç a agut ua grana participación per part dera población, gràcies en gran part, ara campanha de publicitat e promocion que s’a realizat des deth consistòri, e per açò a estat era edicion damb major nombre de concorsants, en totes es modalitats qu’auie entà participar, damb quasi eth miei centenat de concorsants. Pendent eth jurat, format per Marc Nus, Alberto Arribas, Antonio Díaz, Fernando Riu e Juan Manuel Montes, valorauen e decidien, es concorsants e vesins gaudien d’ua demostracion de pastissaria aufrida pera Escòla d’Ostalaria de Les ena Sala de Plens der Ajuntament. Abantes deth liurament de prèmis, se hèc era degustacion de toti es pastissi, licors e confetures entre es assistents, e er Ajuntament regalèc ua planta a cadun des concorsants como mòstra d’arregraïment. Tamben s’aufriren diuerses begudes e cava.
Es guanhadors de cada categoria sigueren es següents: - Pastís mès bon: Maria José Albajar. - Pastís mès original: Mary Grace Becayo. - Melhor pastís salat: 2 prèmis. Claudia Fernández y Angels Díaz. - Melhor pastís sense glutèn: Anna Palau. - Melhors crespèths: María Tersa. - Melhors coquilhons: Marta Martínez. - Melhor licor: María Berdié. - Melhor confetura: Anna Palau. - Melhor pastís infantil: Jana Nus. A toti es guanhadors se les liurèc un prèmi per valor de 75 èuros a cadun, entà gastar en quinsevolh establiment que sigue de Vielha. Er Ajuntament vò arregraïr era collaboracion deth Grèmi d’Ostalaria dera Val d’Aran, era Escòla d’Ostalaria de Les, ara Panadería Montes e ara Panadería Riu. E arregraïs, mès que mès, a toti es participaires e as vesins assistents per mantenir aguesta tradicion. Fotografies: Gorka Martínez
12/05/2016