Notícies Veir istoric
Vielha acuelherà era prestigiosa carrèra de MTB Pedals de Foc Non Stop – Campionat d’Espanha de Ultramarathon de MTB
Es dies 17, 18 e 19 de junh
Juan Antonio Serrano, baile de Vielha e Mijaran, e Pep Vega, director de Pedals de Foc, signèren eth deluns 9 de mai, er acòrd de collaboracion entre ambdues entitats, entara realizacion dera XI Pedals de Foc Non Stop, qu’enguan, ei ath delà, Campionat d’Espanha de Ultra Marathon de Mountain Bike, que se celèbre en Vielha. Era carrèra, ua des pròves de referéncia en mon deth ciclisme de montanha a nivèu nacionau, se disputarà es dies 17, 18 e 19 de junh, damb gessuda e arribada en Vielha, des deth Passeig dera Libertat, ja a totauments complèta era lista d’inscripcions, damb 800 en totau (eth doble qu’era edicion anteriora), chifra ara que s’arribèc as pòqui dies dera dubertura d’inscripcions. Segontes Juan Antonio Serrano, “entà Vielha e Mijaran èster eth centre d’aguesta importante competicion a un gran valor, pramo’r que se realize cada an, e a ua grana repercussion mediatica, laguens der entorn dera BTT, e economica entara localitat organisatiua"
Era Pedals de Foc Non Stop ei un raid individuau de BTT de quasi 220 quilomètres damb 6.200m de desnivèu positiu, en tot seguir, en grana part, era rota dera mitica Pedals de Foc. Recor es comarques dera Val d’Aran, Alta Ribagorça, Pallars Jussà e Pallars Sobirà. Era presentacion oficiau dera XI Pedals de Foc Non Stop serà eth pròplèu 6 de junh en Salon de Plens der Ajuntament de Vielha e Mijaran, tàs 13:00 ores.
14/05/2016