Notícies Veir istoric
Presentacion dera naua imatge de Vielha e Mijaran
Eth logotip ei adaptable entà cada poblacion deth municipi
Er Ajuntament de Vielha e Mijaran a presentat aué era naua imatge de VIELHA – Val d’Aran a cargue de Juan Antonio Serrano, baile deth municipi e Alberto López, còsso de naues tecnologies, e d’Albert Farré e Jordi Trepat, dera enterpresa creadora deth logo. Er acte a començat damb era presentacion, per part de Juan Antonio Serrano, dera mèrca e eth sòn objectiu, qu’ei identificar eth territòri, e donques as sòns ciutadans, en ua imatge centralizada qu’ajude a promòir e hèr difusion des pòbles e deth tèrme municipau de Vielha e Mijaran. Pendent era presentacion a remercat “era importància d’auer un logotip coma imatge de mèrca e identitat entà totes es poblacions de Vielha e Mijaran, tamb lo que desiram que toti es vesins se senten identificats e integrats en projecte”.
Albert Farré, encargat deth dessenh a explicat es caracteristiques deth madeish, damb un denominador comun qu’ei VIELHA – Val d’Aran e er escut d’Occitània, e aute espai, qu’ei adaptable a cada poblacion e a desparièrs sectors, coma pòden èster cultura, educacion, espòrts, eca. Es colors seleccionats an estat eth blu dera aigua e eth verd des bòsqui, en dues montanhes, clares senhaus d’identitat de Vielha -Val d’Aran.
17/05/2016