Notícies Veir istoric
Apariament d’urgéncia ena N-230 ath sòn pas per Vielha
Es Servicis Tecnics Municipaus detectèren ua inestabilitat en fèrm en un pas de pedanhs.
Pendent es nets deth 30 e 31 de mai, eth departament de Conservacion dera N-230, per demanda des Servicis Tecnics der Ajuntament de Vielha e Mijaran, a apraiat e adequat tres punts dera N-230 ena entrada de Vielha. Es Servicis Tecnics deth consistòri detectèren inestabilitats en fèrm des dus passi de pedanhs dera entrada de Vielha e d’aute apròp dera rotonda e dempús d’avalorar es risqui sollicitèren era intervencion urgenta entara seguretat ciutadana.
Eth departament de conservacion, pendent es dues nets, 30 e 31 de mai, a apraiat es danhs, en tot talhar eth paviment, e en tot excavar era zòna d’accion e apraiant eth terren damb ua malla d’acer e hormigon provisionauments. Pendent es mesi de junh e junhsèga, que se realizaràn es trabalhs de conservacion dera N-230, se realizarà eth fresat des zònes remercades, entara sua finalizacion damb asfalt en caud.
01/06/2016