Notícies Veir istoric
Er Ajuntament de Vielha e Mijaran organize gessudes de Marcha Nordica en municipi
Aguesta activitat se realizarà toti es dissabtes de junh tas 10.00 ores damb gessuda dera plaça dera Glèisa e s’enquadre en projècte Vielha +55 de melhora dera qualitat de vida des persones de mès de 55 ans
Er Ajuntament de Vielha e Mijaran a organizat aguetes gessudes de Marcha Nordica damb era fin de fomentar er espòrt e era activitat fisica entre es sòns vesins. Aguesta activitat s’includís en projècte que damb eth nòm Vielha +55, e qu’a coma objectius melhorar era qualitat de vida e fomentar er envielhiment actiu des sòns abitants. Entad açò, jos eth lèma “Pera tua Salut, butja-te”, er ajuntament prepause aguestes gessudes de Marcha Nordica, daurides a toti es publics e totauments gratuïtes, sense finalitat competitiva, donques se tracte sonque de hèr era gessuda amassa e tot çò mes divertida possible.
Toti es dissabtes deth mes de junh, tas 10.00 ores, se realizarà, des dera Plaça dera Glèisa de Vielha, ua gessuda pes entorns deth municipi. Entà conéisher mès aguest espòrt, eth diuendres 3 de junh, Carles Matas Mínguez, licenciat en Espòrt, darà ua charrada e cors d’iniciacion en Casau Sant Miquèu de Vielha as 18.30 ores.