Notícies Veir istoric
Vielha se premanís entà acuélher aguesta dimenjada dus grani eveniments esportius: “Pedals de Foc Non Stop” e “IX Torneg de Fotbòl Sala Vila de Vielha”
Mès de 1.000 participants e acompanhaires passaràn era dimenjada ath nòste municipi
Aguesta dimenjada, deth 18 ath 19 de junh, Vielha serà era sedença de dus eveniments esportius de gran nivèu, era carrèra de biciclètes de montanha “Pedals de Foc Non Stop”, damb 800 inscriti damb gessuda e arribada en Vielha, dempús de recórrer 240 quilomètres ath torn deth Parc Naturau d’Aigüestòrtes, qu’enguan ei tanben Campionat d’Espanha de Ultramarathon de BTT, e eth “IX Torneg de Fotbòl Sala Vila de Vielha”, que damb 16 equipes, vengudi de tota Catalonha, que somen 200 esportistes, sajaràn de guanhar eth desirat prèmi metallic e era possibilitat de jogar un partit en seteme contra ua equipa professionau que harà era pretemporada en Vielha. Er Ajuntament de Vielha e Mijaran apòste e collabòre en es dus eveniments, pr’amor qu’an darrèr an agen mès importància e sigatz eveniments esportius damb un naut impacte economic entath territòri.
16/06/2016