Notícies Veir istoric
Er Ajuntament de Vielha e Mijaran felicite as guanhadors des dus eveniments esportius celebradi era darrèra dimenjada
Enes dues competicions a collaborat er Ajuntament desinteresadament.
Pendent era darrèra dimenjada, Vielha acuelhec dus grani eveniments esportius, era XI Pedals de Foc Non Stop e er IX Torneg 30 ores de Fotbòl Sala, damb mès de 1.000 participants compdant es dues competicions. Eth dissabte 18 tas 5.00 deth maitin gessien des de Vielha es participants dera XI Pedals de Foc Non Stop – Campionat d’Espanha MTB Ultramarathón 2016, en tot arténher era victòria eth galhec Brandan Márquez, damb un temps de 10:34:58 e seguit per Joseba Albizu e Roger Argelaguer. En categoria femenina era guanhadora siguec Ramona Gabriel en tot deishar un excellent temps de 14:54:51 e per darrèr d’era, en pòdium, Janette Solsona e Clara Pirla. Brandan Márquez e Ramona Gabriel se proclamèren ath delà, campions d’Espanha de MTB Ultramarathon.
Ena auta competicion, disputada pendent eth dissabte 18 e eth dimenge 19, IX 30 ores de Fotbòl Sala Vila de Vielha, es guanhadors d’enguan sigueren era equipa de Lhèida "Jo Auto Restaurant Lo Caragol, que guanhèc ena finau ath Milan Yoigo de Solsona, per 2 punts a 1. Ena categoria infantila deth torneg “Objectiu 30 ores”, era equipa guanhadora siguec eth Aston Birra, que guanhèc ena finau ath Valsester, es dus equips dera Val d’Aran, per 3 punts a 2.
21/06/2016