Notícies Veir istoric
Eth III RAIDARAN 2016 – Campionat d’Euròpa de Raids d’Aventura comenzarà en Vielha eth pròplèu 20 de junhsèga
En aguesta edicion se traparan es mielhors equips en tot cercar ua plaça entath Campionat deth Mon
Eth pròplèu 20 de junhsèga, Vielha serà era sedença europèa entàs raiders d’Aventura acuelhent era gessuda dera III RAIDARAN 2016 – Campionat d’Euròpa de Raids d’Aventura e en tot finalizar en Lleida eth dissabte 23 de junhsèga. Entad açò as participants d’aguest campionat per equips les calerà completar entre 300 e 500 quilomètres damb disparières pròves coma barranquisme, kayak, trekking, BTT e vies ferrates. Eth recorregut encara ei ua incognita e les ac calerà descorbir sus eth madeish terren. Eth dia anterior ara gessuda, totes es equipes e organizacion dromiran en otèls de Vielha e Mijaran, a on se les darà era benvenguda en tot hèr era presentacion oficiau en Ajuntament, ath delà de poder conéisher toti es encants naturaus, culturaus e gastronomics qu’aufrís era caplòc dera Val d’Aran.
Ja i a diuersi equips inscriti de desparièrs païsi, coma França, era Republica Chèca, es Païsi Baishi, eth Reine Unit, Dinamarca, Estònia, Letònia, Canadà e Colómbia, ath delà des melhors equips catalans e nacionaus, que tanben serán laguens dera linha de gessuda de Vielha. Cau restacar era inscripcion des guanhadors deth campionat deth Mon de 2011 e 2013, er equip suec THULE. Er equip guanhador obtierà ua plaça dirècta e gratuïta entath Campionat deth Mon ARWC d’Australia en noveme d’aguest madeish an.