Notícies Veir istoric
Informacion des restriccions de transit e parcatges barradi pendent era celebracion deth Tour de França en Vielha
Damb motiu dera gessuda deth Tour de França 2016, eth pròplèu 10 de junhsèga, des de de Vielha, er Ajuntament de Vielha e Mijaran INFORME a toti es sòns vesins e visitants que pendent ues ores i aurà restriccions de transit eth bèri carrèrs deth municipi e se barraràn bèri parcatges publics entà favorir eth trabalh dera organizacion. Entà palliar es possibles problèmes derivadi d’aguestes restricions ena circulacion, er Ajuntament de Vielha e Mijaran establirà ues rotes alternatives d’accès en aguestes zònes e abilitarà naui parcatges ena localitat. Dies abantes dera celebracion d’aguesta estapa deth Tour se repartiràn per tot eth municipi de Vielha ues huelhes informatives a toti es vesins e otèls, entà facilitar eth bon foncionament der eveniment. Es restriccions de transit se limitaràn as Avengudes Pas de Arrò e Castièro, des des 18.00 ores deth dia 9 de junhsèga enquiàs 12.35 ores deth dia 10 de junhsèga. Era Av. Garona serà dubèrta ath trafic permanentament e se poderà circular per aguesta via damb totau normalitat. Es parcatges publics que seràn barradi son eth des Militars e eth dera Plaça dera Generalitat, que seràn d’usatge exclusiu entara organizacion deth Tour de França. Coma parcatges alternatius, er Ajuntament de Vielha e Mijaran a abilitat er ancian camp de fotbòl( Av. Baile Calbetó Barra) e es patis dera Escòla Garona e Institut d’Aran.
Per part der Ajuntament volem demanar e arregraïr a toti es vesins e visitants de Vielha e Mijaran era sua collaboracion ena celebracion d’aguesta pròva ciclista, era mès importanta deth calendari mondiau, e demanam desencuses pes petites molèsties que se poguen ocasionar a causa d’aguestes restriccions ath transit rodat e de pedanhs. Maugrat açò, cau destacar qu’era celebracion d’aguest eveniment esportiu comportarà entara ciutat uns grani beneficis dirèctes derivadi de tota era despena generada per part der equip uman deth Tour de França (organizacion, equipes, jornalistes e caravana publicitària) e eth gran nombre de seguidors de tot eth mon que vieràn a veir era pròva e que se tradusiràn en ua aucupacion otelèra deth 100%; ath delà des indirèctes que se produsiràn en un futur gràcies ara projeccion mediatica qu’artenherà era nòsta ciutat e eth conjunt dera Val en tot eth mon pr’amor deth gran seguiment qu’a aguesta competicion enes mieis de comunicacion estataus e internacionaus, autant esportius coma generalistes.