Notícies Veir istoric
Er Ajuntament de Vielha e Mijaran apròve era concession de subvencions a associacions e enterpreses
Se beneficien 29 entitats
Eth diuendres 14 de noveme er Ajuntament de Vielha e Mijaran a aprovat en junta de govèrn era concession de subvencions a associacions e enterpreses de caractèr sociau, culturau, esportiu, comèrç o educatiu. Eth totau se beneficien 29 entitats entre es que se distribuïssen un totau de 47.082 èuros.
En çò que tanh ath repartiment dera subvencion totau, es associacions arreceben 32.475 èuros, d’entre es que se tròben quate d’encastre sociau (3.900 €), sies esportiues (5.900 €), cinc en cultura (9.750 €), ua de comèrç (1.000 €) e sies educatives (11.925 €). En quadre empresariau, i a sèt entitats as que se destinen 14.607 èuros.
Damb aguestes subvencions er Ajuntament de Vielha e Mijaran vò ajudar a qu’es sòns receptors poguen desvolopar activitats e eveniments entara ciutadania e vesins, qui an d’èster es principaus beneficiadi, promòir eth comèrç e eth torisme e atau mantier eth naut flux d’activitats, caracteristic deth municipi.