Notícies Veir istoric
Er Ajuntament de Vielha e Mijaran abilitarà quate zònes de parcatge provisionau entad aguesta dimenjada
Es dus parcatges abituaus demoraràn barradi entar usatge exclusiu dera organizacion
Damb motiu dera gessuda dera 9au etapa deth Tour de França 2016 des de Vielha, er Ajuntament de Vielha e Mijaran a premanit quate espacis provisionaus entath parcatge de veïculs. Es naui espacis de parcatge seràn disponibles eth dissabte 9 e eth dimenge 10 de junhsèga, a causa deth barrament des dus principaus parcatges deth municipi de Vielha, eth des antgues casèrnes militares e eth dera plaça dera Generalitat, que seràn destinadi exclusivaments ara organizacion e equips deth Tour de França. Es zònes de parcatge provisionau son, eth Camp de Fotbòl (Av. Baile Calbetó), era Escòla Garona (Av. Deth Solan), terren de Mijaran ath cant dera glèisa (N-230)(peth dimenge), e era Gravèra de Barba (C-28, entre Betren e Escunhau). A compdar deth meddia de dimenge se tornaràn a daurir es parcatges abituaus entath sòn usatge normau.