Notícies Veir istoric
Er Ajuntament de Vielha e Mijaran amie a tèrme era milhora integrau dera cubèrta e des espacis interiors deth Tanatòri Municipau de Vielha e Mijaran
Eth consistòri a iniciat ua accion integrau de milhora en Tanatòri Municipau, damb trabalhs autant ena cubèrta exteriora coma en desparièrs espacis interiors dera bastissa
Pendent aguesta primauera, er Ajuntament de Vielha e Mijaran a començat un procès de reforma fòrça complet deth Tanatòri Municipau de Vielha e Mijaran. Aguestes intervencions de milhora se realizen autant en interior coma en exterior:
Per un costat, accions en exterior: Installacion d’ua naua suscubèrta metallica damb isolament termic, que milhore era eficiéncia energetica dera bastissa e a permetut solucionar es problèmes de gotères e umiditats existentes. Se tracte d’ua solucion pensada entà garantir era durabilitat dera bastissa front ath climat de montanha pròpri de Vielha e, ath madeish temps, milhorar eth confòrt des usatgèrs.
D’aute biais, accions en interior: Apariament e renauiment des zònes deth faus tet afectades per umiditats e gotères. Tanben, adeqüacion de detalhs interiors e revision d’installacions restacades enes airaus intervengudi. Atau madeish, trabalhs sectorizadi entà mantier eth foncionament abituau deth tanatòri pendent era execucion des òbres.
Pendent es pròplèus setmanes se contunharà en desparières zònes dera bastissa, en tot desvolopar accions interiores, trabalhs d’acabament e melhores en dessenh des espacis, damb er objectiu de crear un entorn mès confortable, foncionau e acuelhedor, ath delà de refortilhar era seguretat e era conservacion des installacions.
Era accion compde damb ua inversion totau aproximada de 40.942 èuros, destinada a melhorar era eficiéncia, era durabilitat e era qualitat des installacions deth Tanatòri de Vielha e Mijaran.
Lieger mès
14/05/2026
Vielha e Mijaran auance en renauiment deth mobiliari urban damb materiaus recicladi e de baish manteniment
Lieger mès
08/05/2026
Ja ei dubèrt eth periòde de preinscripcions ena Escòla Mairau “Era Cunhèra” de Vielha e Mijaran entath cors escolar 2026/27
Lieger mès
04/05/2026
Er Ajuntament de Vielha e Mijaran a aprovat eth convèni damb era Agència de l’Habitatge de Catalunya entara cession deth terren de Tressents plaçat en Betren, damb es qu’era Generalitat de Catalunya bastirà mès de 60 viuendes de proteccion o
Lieger mès
