Notícies Veir istoric
Lutz verda as òbres de melhora de vies e mobiliari urban de toti es pòbles de Vielha e Mijaran
Er Ajuntament de Vielha e Mijaran a premanit un plan entara melhora de carrèrs e desperfectes entà suplir atau es retalhades des inversions que tant Generalitat com Estat an practicat enes ajuntaments
Eth Burèu Tecnic der Ajuntament de Vielha e Mijaran ja dispòse der informe "Accions de Conservacion des Vies Publiques deth Municipi de Vielha e es sues Pedanies", qu’a estat elaborat per ua empresa extèrna e remasse totes es incidéncies, tant enes vies publiques e eth materiau urban, de totes es poblacions de Vielha e Mijaran, en tot senhalizar e marcar individuaument eth sòn estat actuau, localizacion, pressupòst de reforma e eth nivèu de prioritat d’accion. Jacinto Cuny, còsso d’Infrastructures, Òbres e Servicis, a declarat "damb aguest detalhat informe ja podem començar es òbres de melhores des infrastructures des toti es municipis de Vielha e Mijaran d’ua forma adequada e damb es despenes a invertir contarotlades".
Per çò qu’ei des dates e prioritats, "començaram dempús dera etapa deth Tour as pedanies, en tot actuar segons es prioritats mercades e en tot cercar era forma d’interferir, eth minim possible, ara sason estivau". Damb aguest informe, er Ajuntament de Vielha e Mijaran ja pòt actuar segontes es prioritats mercades, de major a menor importància, e damb un tracte exacte dera quantia a invertir en cadua d’eres.
05/07/2016