Notícies Veir istoric
Aguest dissabte er Ajuntament de Vielha e Mijaran collabòre damb eth programa "Mulla’t per l’esclerosi múltiple"
Er eveniment se realizarà ena piscina deth Palai de Gèu de Vielha damb diferentes activitats aquatiques
Deman, dissabte 9 de junhsèga, a compdar des 12.00 ores, se celebrarà ena Piscina deth Palai de Gèu de Vielha e Mijaran, era activitat solidària "Mulla’t per l’esclerosi múltiple", a on es tecnics esportius dera installacion an organizat tres activitats dirigides, Aquazumba, Aquaboxing e Aquafuncional, entà toti es assistents. Toti es ingrèssi obtengudi dera venta d’entrades dera piscina e es kits de "Mulla’t", qu’includissen diuèrsi objèctes de regal, seràn destinadi, integraments, ara fondacion. Era Fondacion Esclerosi Multiple (FEM) ei ua entitat sense ànim de lucre declarat d’utilitat publica, qu’a coma fin era promocion de tota classa d’accions e activitats assistenciaus, sanitàries e scientifiques destinades a melhorar era qualitat de vida des persones damb Esclerosi Multiple e d’autes malauties degeneratives deth sistèma nerviós.