Notícies Veir istoric
Arregraïments der Ajuntament de Vielha e Mijaran
Era ciutat de Vielha en particular e Aran en generau auem viscut ua dimenjada fòrça especiau damb motiu dera celebracion d’ua estapa deth Tour de França -era major pròva ciclista per estapes deth mon- en nòste territòri. Auem motius entà senter-mos fòrça orgolhosi, pr’amor que tot e èster ua petita poblacion, damb uns recorsi mès limitadi qu’ues autes granes ciutats, auem estat capables de contribuïr decisiuament ar éxit d’aguesta corsa ena sua gessuda des de Vielha. Mos sentim tanben satisfeti gràcies ath gran impacte economic e promocionau generat peth Tour, autant de manèra dirècta coma en un futur, gràcies ara grana promocion toristica artenhuda entara ciutat e derivada dera projeccion mediatica internacionau deth Tour de França.
Ua hèsta der espòrt damb un gran éxit organizatiu hèt realitat gràcies ar esfòrç e collaboracion de moltíssimes persones, especiauments de toti es còssi de seguretat (Mossos de’Esquadra, Guardia Civiu, Policia Nacionau, Guardia Urbana), Pompièrs, Servicis Medicaus, Volontaris d’ Aran, Brigades Municipaus... e, tanben, gràcies ara inestimabla collaboracion ciutadana per tot eth sòn ànim e implicacion damb era corsa, eth sòn exquissit comportament e civisme e era sua grana paciéncia, ara ora de suportar es petiti inconvenients (coma carrèrs talhadi, càmbis de direccion en trafic, major bullici...) derivadi dera celebracion d’aguesta estapa deth Tour ena nòsta ciutat. Sense dobte, un gran éxit collectiu que s’enquadre ena linha des accions que realize e a programades aguest consistòri, damb er objectiu de cercar era excelléncia entara ciutat e era major diversificacion ara ora d’arténher naui recorsi que poguen ajudar a dinamizar era nòsta economia e generar emplec e riquesa entath conjunt des ciutadans.