Notícies Veir istoric
Eth psicològ Joan Garriga arribe a Vielha damb dues activitats
Eth dissabte 6 e eth dimenge 7 de deseme
Eth pròplèu dissabte 6 e dimenge 7 de deseme, eth psicològ umanista Joan Garriga arribe a Vielha a on realizarà activitats, ambdues en Espai REN (C. Aneto 4 / Av. Pas d´Arró 25), sus es Constellacions Familhaus, en d’autes paraules cercar diferentes vies que mos ajuden a superar blocatges psicologics ena nòsta vida personau e professionau.
Eth dissabte 6, tàs 19 ores, Joan Garriga presentarà eth sòn darrèr libre La llave de la buena vida, en qué damb dera sua ampla experiéncia coma terapeuta mos illumine en intent de víuer pleaments en un mon complèx. Damb açò, s’artenh era bona vida: èster capables de préner e deishar anar damb alegria aquerò qu’era vida a reservat entà nosati, o, “saber guanhar sense perder-se a un madeish e saber pèrder en tot guanhar-se a un madeish”.
Eth dimenge 7, de 10 a 19.30 ores, Garriga amiarà a tèrme un talhèr monografic sus es Constellacions Familhaus. En aguest trabalh s’artenh, en un temps brèu, comprenences fòrça clares sus es dinamiques e implicacions familhaus que mantien es problèmes e se desvolòpen importants movements de solucion.
Joan Garriga (Bellpuig, 1957) ei un des fondadors der lnstitut Gestalt de Barcelona. Siguec eth prumèr en portar a Espanha a Bert Hellinger, eth creador des Constellacions Familhaus. E impartís formacions de Constellacions per tota Espanha, e talhèrs d’encastre internacionau.
03/12/2014