Notícies Veir istoric
Er Ajuntament de Vielha e Mijaran amplie era plantilha de vigilants municipaus
Eth còs passarà de tres a cinc trabalhadors e preneràn possession deth sòn cargue en Ajuntament.
Er Ajuntament de Vielha e Mijaran a cobrit, a trauès deth procès de contractacion de concors-oposicion, dues places naues de vigilants municipaus entà poder prestar un melhor servici de vigilància, seguretat ena via publica e compliment des ordenances municipaus. Er ampliament deth còs de vigilants municipaus, principauments, respon ara idia de poder aufrir un servici mès complèt laguens es sues foncions, coma son era de velhar pera seguretat des pedanhs, mantier e distribuïr eth trafic municipau e hèr complir era ordenança municipau de Convivéncia Ciutadana.
A trauers d’aguesta naua contractacion de personau se demore melhorar era qualitat de vida en municipi, arténher eth benestar collectiu e obtier ua convivéncia ciutadana en patz e igualitària en drets e obligacions des abitants deth municipi.
04/08/2016