Notícies Veir istoric
Òbra de melhora e seguretat ena Avenguda Pas d’Arró
Dempús es negociacions mantengudes per Juan Antonio Serrano damb es propietaris
Ager dimars s’inicièc ena Avenguda Pas d’Arró ua òbra ena part finau dera madeisha, entre era bastissa dera comunitat Sapporo e era panificadora, per part d’ua empresa privada per peticion des serveis d’òbres municipaus. Es trabalhs s’alongaran pendent es proplèus dies e ath madeish temps se profitarà entà cambiar era antiga canada per ua més actuau, damb materiaus melhor calitat e entà crear un pas més segur tas vianants, de 1.5 metres, tanben entà favorir es trams comerciaus qu’enquia ara demorauen aïllats per un terren sense usatge.
Aguesta òbra, que pendent fòrça ans s’a sajat de hèr, s’a portat a tèrme gràcies as longues negociacions mantengudes entre Juan Antonio Serrano, baile d’aguest municipi e es propietaris deth terren afectat.