Notícies Veir istoric
Er Ajuntament de Vielha e Mijaran realize diuersi trabalhs de mantenença e òbres ena Escòla Garona de Vielha
Cau restacar eth nau sistèma de cahuatge independent entà cada planta der edifici
Pendent es mesi estivaus er Ajuntament de Vielha a realizat diuersi trabalhs de mantenença e òbres ena Escòla Garona entà premanir-la tar inici deth nau cors 2016-2017 Ath delà des trabalhs abituaus de mantenença des instalacions, s’a pintat tanben er interior dera Escòla atau coma es classes e s’an anullat es rampes de pujada ath minjador e ua auta deth pati donques qu’eren perilhoses entàs alumnes deth centre. Era òbra més importanta a estat era sectorizacion independent deth sistèma cahuatge deth centre, en tot milhorar eth sistema en tot asegurar ua temperatura avienta en tota era Escòla. En aguest sens, segontes manifestaue Maria Vergés, còsso d’educacion "se realizara i auta accion mès en breu temps entà solucionar eth gran problema qu’a eth centre damb er aigua cauda, donques qu’a un mau foncionament des sondes deth cahuatge, atau coma quauque trabalh mès en zònes exteriores"
Er Ajuntament de Vielha e Mijaran trabalhe ara entà solucionar es corrents d’aire qu’afècten ath pati cubèrt dera Escòla. "En aguesti moments es serveis tècnics del Ajuntament premanisen ua propòsta d’actuacion, demanada peth Departament d’Ensenhament dera Generalitat, demoram atau que pendent eth cors 2016-2017 se tot ei en ordre, pogam realizar aguesta actuación", a declarat Maria Vergés
16/09/2016