Notícies Veir istoric
Eth baile de Vielha e Mijaran sollicite ua amassada urgent damb eth Ministèri de Foment
Darrèr es recentes notícies publicades ena prensa sus eth nau projècte dera N-230 ath sòn pas peth municipi de Vielha
Juan Antonio Serrano, baile de Vielha e Mijaran, a sollicitat, a trauès dera Subdelegacion deth Govèrn en Lleida, ua amassada urgent damb responsables deth Ministèri de Foment entà conéisher eth projècte dera variant dera N-230 des d’era boca nòrd deth Tunèl de Vielha enquiara poblacion d’Aubèrt.
Dempús de conéisher era notícia pes medis de comunicacion, eth baile a demanat aguesta entrevista entà conéisher es intencions respecte a d’aguest ahèr entà poder atau avalorar er impacte e convenença deth projècte entath municipi de Vielha e Mijaran.