Notícies Veir istoric
Vielha e Mijaran avalore ua pujada deth canon de sanejament municipau e deth hilat d’aigua dempús de verificar qu’eth 60% dera madeisha se tròbe obsoleta e damb grèus deficiéncies.
Es darreres incidéncies e panes an hèt evident eth deficient estat de conservacion deth hilat de suministre d’aigua, qu’a nombrosi trams damb es madeishes canerades dera instalación originau des ans cincuenta.
Er Ajuntament de Vielha e Mijaran estúdie era forma de renauir eth sistèma de subministrament d’aigua potable deth municipi ath verificar-se, dempús des darrères òbres d’emergéncia ena Avenguda Pas d’Arró, qu’an agut un còst de 50.000€, que 60% de tota era installacion municipau se tròbe infradimensionada e damb grèus deficiéncies. Aguesta situacion a provocat que s’estúdien es intervencions a realizar entara sua melhora e substitucion, qu’en breus se meteràn en coneishença des vesins, e que pretenen establir un renauiment deth sistèma a miei termini. En aguest sentit, entà poder amiar-les a tèrme, s’estúdie ua pujada deth canon, qu’actuauments ei de 18Euros annaus, un des mès baishi de Catalonha e eth mès baish dera Val d’Aran.
Juan Antonio Serrano, baile deth municipi, declaraue que “era pujada deth cánon ei, en aguesti moments, practicaments era unica via entà poder obtier recorsi que mos permeten realizar aguestes accions, dada era situacion economica que trauèsse er Ajuntament dempús dera dissolucion de VIGESA e era gestion deth Palai de Gèu”. A part d’açó, Serrano insistie en que “aguesta pujada se prevé, coma maxim, enquias 30-35Euros annaus, en concordància damb era taxa d’auti municipis aranesi”. Pera sua part, Jacinto Cuny, còsso d’Òbres e Servicis deth Consistòri, manifestau que "ara manca de manteniment e de renovación, més enlà dera actuación puntuau en panes e incidències, provòque que s’age d’actuar en ua grana part deth suministre municipau".
07/10/2016