Notícies Veir istoric
Vielha e Mijaran, Saint-Lary Soulan e Luchon organizaran "Era Campilaro 2017"
Ei ua pròva de cicloturisme de 350 quilòmetres en tres etapes
Er Ajuntament de Vielha e Mijaran, a trauès deth sòn baile, Juan Antonio Serrano, a signat un acòrd de collaboracion entara organizacion dera "Campilaro 2017", que se celebrarà deth 23 ath 25 de junhsèga de 2017, entre es localitats franceses de Saint-Lary Soulan, Luchon e era cap lòc aranesa, Vielha. Era Campilaro ei ua pròva dubèrta entàs amants deth cicloturisme, qu’eth pròplèu an serà enquadratda en calendari internacionau d’aguesta modalitat, ath realiza-se en es dues poblacions franceses e en Vielha, e qu’aculherà era mèta finau dera competicion, eth 25 de junhsèga. Ei ua carrèra de quate etapes, de 350 quilomètres en totau damb 8.300 mètres de desnivèu positiu, en tres dies. Era prumèra etapa se realizarà damb era gessuda en Saint-Lary Soulan eth dia 23. En Luchon, londeman, se realizaràn dues etapes, ua d’eres, especiau damb era pujada a Superbagnères. Eth dia 25, eth peloton vierà enquià Vielha entara darrèra etapa, damb pujada ath Pòrt dera Bonaigua.
Entà Juan Antonio Serrano, baile de Vielha e Mijaran, "eth nòste objectiu ei colaborar damb es eveniments ciclistes que se realizen en nòste municipi, en tot potenciar eth torisme de bibiclèta e en tot enquadrar a Vielha laguens deth calendari des competicions nacionaus e intenacionaus"
17/10/2016