Notícies Veir istoric
Er Ajuntament de Vielha e Mijaran recep era visita dera Directora Generau de Joenessa dera Generalitat de Catalonha
Pendent era amassada s’an tractat tèmes relacionadi damb eth airau de joenessa deth consistòri e s’a assumit eth compromís entà redactar eth Plan Locau de Joenessa deth municipi de Vielha e Mijaran
Aué s’a recebut en Ajuntament de Vielha e Mijaran a Marta Vilalta, Directora Generau de Joenessa dera Generalitat de Catalonha, que s’a amassat damb Juan Antonio Serrano, baile deth municipi, Maria Vergés, 2aua tinent de baile e còsso de cultura e educacion e Alberto López, còsso de Joenessa, Esports e Naues Tecnologies Ena amassada mantenguda s’an intercambiadi ahèrs comuns e de interés relatius ara joenessa municipau, s’an manifestat desirsde collaboracion entà tractar es ahèrs mès importants e urgents e principauments s’an comprometut, es dues parts, a redactar eth Plan Locau de Joenessa 2017, tot açò entà poder amiar a tèrme aguesti actes. .
Tant eth Consistòri coma era Directora de Joenessa dera Generalitat, an avalorat positivaments era visita e era amassada mantengudes. Segontes declaraue Alberto López "aguest Ajuntament, que, ja realize accions dirigides ath sector de joeni dera poblacion, aurà premanit eth Plan Locau de Joenessa entà 2017", en tot contunhar damb era declaracion, "demoram que tanben er an que ven sigue premanit eth centre de joenessa plaçat en antic aucidèr, que sera un lòc a on se poguen realizar activitats enta joeni"