Notícies Veir istoric
Era Bibliotèca Generau de Vielha e er Ajuntament de Vielha e Mijaran organizen un concors de microrelats via twitter
Aguesta accion s’emmarque enes actes de celebracion des 15 ans dera Bibliotèca que s’amiaràn a tèrme era setmana deth 21 ath 25 de noveme
Era
Bibliotèca Generau de Vielha e er Ajuntament de Vielha e Mijaran organizen un
concors de microrelats en aranés per twitter tad aguest mes de noveme.
Aguesta
iniciativa s’enmarque enes actes previsti tà hestejar eth quinzau aniversari
dera Bibliotèca, que se celebrarà damb diuèrses activitats era darrèra setmana
de noveme.
Es bases
deth concors se poiran consultar ena plana web der Ajuntament de Vielha e
Mijaran e enes planes de facebook dera pròpria Bibliotèca e der Ajuntament. Eth
plaç tà hèr a arribar es relats ei eth 20 de noveme, e s’auràn d’enviar via
twitter en tot èster seguidors deth compde dera bibliotèca (@bibliovielha) e
etiquetar-la en madeish.
Eth tèma
deth relat qu’ei liure, en aranés e de creacion pròpria e que non age estat
premiat en d’auti concorsi. Eth/era
guanhador aurà coma prèmi dues entrades entath cine e tara pista de gèu deth
Palai.
Tara
còsso de cultura, educacion e accion sociau, Maria Vergés: “aguesta vò èster ua
iniciativa qu’ajude tanben a apropar en carrèr era nòsta lengua pròpria, er
aranés, en tot servir-mos des naues tecnologies”. Vergés tanben a volut
profitar tanben tà “arregraïr eth trabalh qu’eth personau dera Bibliotèca amie
a tèrme cada dia e especiaument ena preparacion d’aguest quinzau aniversari”.