Notícies Veir istoric
Eth Plen der Ajuntament de Vielha e Mijaran apròve eth sòn pressupòst entà 2017
Eth pressupòst entath 2017 deth Consistòri ascend a 5.619.000 €, en tot incrementar-se eth 12% en referéncia ath 2016 coma prevision vers era possibilitat qu’er Ajuntament hage d’assumir era gestion deth Palai de Gèu.
Aguest maitin s’a celebrat eth Plen ordinari der Ajuntament de Vielha e Mijaran en que s’a aprovat eth pressupòst entad exercici 2017. Aguest s’a incrementat eth 12% sus eth de 2016 entà preveir era possibilitat qu’eth consistòri assumisque era gestion deth Palai de Gèu, arribat eth cas que non i age cap empresa privada que pogue hèr-se cargue dera direccion dera madeisha. Segontes declaraue Juan Antonio Serrano "eth dessenh d’aguest pressupòst a agut ua dificultat ahijuda pera complexitat qu’a supausat includir tot eth referent ath Palai de Gèu". En aguest sentut ahigie que "fin finau, mercés ath trabalh des servicis d’intervencion e secretaria, s’a artenhut barrar un pressupòst de continhutat per çò que hè referéncia ath deth 2016 entà poder encarar 2017 damb garanties e executar es accions basiques entath benestar des nòsti vesins".
Era rèsta de punts der orde deth dia, coma son es actes anteriors, es Decrèts d’Alcaldia, era modificacion dera Ordenança Municipau Reguladora dera Aucupacion der Espaci Public, era modificacion deth Convèni Collectiu e era sollicitud ath Conselh Generau d’Aran entà que tramite era modificacion des NSCP de la Val d’Aran, an estat aprovades per unanimitat.