Notícies Veir istoric
Presentacion en Ajuntament de Vielha e Mijaran de Mendi Tour - Vielha, eth prumèr hestivau de cinèma de montanha.
Era cita damb eth melhor cinèma de montanha arrivarà a Vielha es dies 10 e 11 de març de 2017 a Era Audiovisuau de Vielha a trauès deth Bilbao Mendi Film Festival.
Aué s’a presentat ena Sala de Plens der Ajuntament de Vielha e Mijaran eth Mendi Tour – Vielha, a cargue de Juan Antonio Serrano, baile deth municipi e d’EdurnePasabán, prumèra hemna deth mon a ascendir es 14 ueitmils, directora de Kabi en Vielha e encargada deth Hestivau. Mendi Tour-Vielha ei ua gira pes ciutats mès importantes, damb un entorn de montanha singulara, en que se projècten es melhores pellicules deth Bilbao Mendi Film Festival e qu’aguest an se realizarà per prumèr còp en Vielha, ath delà de en d’autes ciutats coma Pamplona, San Sebastián e Toulouse. Eth Hestivau condarà damb es sies pellicules premiades d’aguest an en "Festival de Bilbao", que se projectaràn en dues sessions de tres pellicules per jornada es dies 10 e 11 de març as 19.00 ores ena Sala Era Audivisuau de Vielha e damb un prètz diari de 6.00Euros Dempús der acòrd ath qu’arriveren er Ajuntament de Vielha e Mijaran e Edurne Pasabán, Mendi Tour-Vielha, se some ath rèste d’eveniments e iniciatiues damb es que collabòre er Ajuntament de Vielha e Mijaran, entà consolidar eth nòste municipi damb un destin toristic de montanha de referencia enes Pirinèus.
Juan Antonio Serrano, "arregraïm era volontat d’ Edurne Pasabán en realizar eth Hestivau en Vielha, donques des d’era Equipa de Govèrn apostam per eveniments qu’apòrten valor e diferencien a Vielha e Mijaran coma eth destin de montanha qu’ei" ath madeish temps Edurne Pasabán a declarat "qu’a estat fòrça fácil contactar damb er Ajuntament e arregraïsqui era predisposicion per part de toti, donques qu’es dus cercam potenciar Vielha e Mijaran damb un eveniment cinematografic d’aguesta categoría"
07/02/2017