Notícies Veir istoric
Vielha acuelhec eth liurament de prèmis dera Audi quattro Cup 2017
Eth Palai d’Espòrts deth caplòc aranés siguec disponible tàs 336 joeni corredors e es sòns entrenadors entà que poguessen gaudir d’ua grana hèsta dempús dera sua competicion.
Aguesta dimenjada se celebrèc en Stadium de Beret era Ixau. edicion deth circuit d’esquí aupin U12/10 Audi quattro Cup 2017, inclodida en calendari RFEDI, damb era classica pròva "Amics de Montgarri" organizada peth CAEI. Ara cita assitiren 336 corredors e corredores de 35 equips de tota Espanha, que gaudiren de dus dies en perfèctes condicions climatologiques ena estacion aranesa entà era practica dera competicion atau coma de Vielha, a on se les acuelhec damb es braci dubèrts damb tota era sua aufèrta toristica disponible. En finalizar era pròva deth "Trofeu Amics de Mongarri" toti es participaires s’an desplaçat ath Palai d’Espòrts de Vielha, cedit per Ajuntament de Vielha e Mijaran, entà gaudir de diuèrses activitats organizades entàs mès petiti, coma jòcs d’slalom, jòcs d’abilitat e didactics e un espaci entà vrespalhar ath delà deth liurament de prèmis as guanhadors.
Alberto López còsso d’Espòrts der Ajuntament de Vielha e Mijaran declaraue que"des der equip de Govèrn contunham collaborant damb es actes esportius celebradi en nòste municipi, aufrint es nòstes installacions e era aufèrta toristica de Vielha entath gaudiment de toti es participaires".
14/02/2017