Notícies Veir istoric
Vielha acuelherà era IVau. Corsa dera Hemna eth 12 de març
Aguesta corsa se hig ar acte organizat per Ajuntament de Vielha e Mijaran eth dia 8 de març entà commemorar eth Dia Internacionau dera Hemna.
Eth pròplèu 12 de març, a compdar des 11.00 ores, Vielha acuelherà pes sòns carrèrs era quatau edicion dera Corsa dera Hemna organizada peth Servici d’Informacion e Atencion ara Hemna (SIAH) ena quau collabòre er Ajuntament de Vielha e Mijaran.
Era corsa ei dubèrta a tot eth public en generau. Son cinc quilomètres urbans que poderàn realizar-se en tot córrer o en tot caminar entà commemorar eth Dia Internacionau dera Hemna deth dia 8 de març en un ambient de hèsta.
Es inscripcions son dubèrtes en https://www.inscripcions.cat/corsaderahemna2017
Aguesta corsa se some as actes organizadi per Ajuntament de Vielha e Mijaran entath pròplèu 8 de març ena Sala Era Audiovisuau damb era projeccion d’un documentau e ua Taula Redona ena quau seràn presentes diuèrses hemnes representatives d’Aran en tot commemorar eth Dia dera Hemna Trabalhadora en lòcs de Montanha
02/03/2017