Notícies Veir istoric
Er Ajuntament de Vielha e Mijaran invertirà 96.000 € en 2017 entà melhorar er hilat de subministrament d’aigua
Dempús d’auer aumentat era taxa de mantenença der hilat deth municipi entà poder afrontar es grèus deficiéncies que presente, eth consistòri invertirà aguesti recorsi en ua prumèra fasa d’intervencion
Er Ajuntament de Vielha e Mijaran a previst modificar en Plen Municipau deth pròplèu 22 de març eth Pressupòst Annau de 2017 entà atier diuèrsi besonhs municipaus, coma amiar a tèrme es òbres d’apariament e adeqüacion der hilat d’aigua deth municipi.
En totau se destinaràn 96.000 èuros entà començar a condicionar aguest hilat. Es òbres començaràn enguan ena Avenguda Pas d’Arró de Vielha que, dempús des grèus incidéncies der estiu passat, se presente coma ua des zònes que requerissen mès urgéncia, donques qu’era canerada d’aguesta zòna provedís d’aigüa a grana part dera localitat .
Aguestes òbres s’amiaràn a tèrme pendent es pròplèus mesi entà, coma s’a dejà informat, adaptar eth sistèma de distribucion d’aigua qu’actuauments se tròbe obsolet en apròp un 60% der hilat.