Notícies Veir istoric
Finalizen es òbres de milhora ena Escòla Garona
Reparacion des installacions educatiues
Er Ajuntament de Vielha e Mijaran, damb er objectiu de melhorar es equipaments publics e en concrèt era escòla CEIP Era Garona de Vielha, a amiat a tèrme un trabalh intens ena melhora des installacions educatives.
Damb aguestes melhores e apariaments tanben se preten garantir era seguretat de mainatges e professors e melhorar era qualitat des installacions deth centre d’educacion primària de Vielha.
Entre es diferenti remodelaments s’an apraiat es larmières trincades; sanejat eth drenatge deth pati; retirat es moduls de jòc eth mau estat; repintat es diferentes plantes; cambiat veires, taules, estatgères e pòrtes en mau estat; reinstallat es lums honudes; e netejat patis e zònes de pas, entre d’autes.
Es òbres qu’an durat apròp d’un mes e miei, damb trabalhadors dera brigada der Ajuntament de Vielha e Mijaran e dera enterpresa CHMC, an supausat ua inversion totau de 19.167,27 èuros.