Era modificacion pressupostària s’amie a tèrme entà anullar definitiuaments eth deute deth Palai de Gèu e poder realizar accions en hilat d’aigua, apraiar es desperfectes en carrèrs e diuèrses òbres entà adaptar equipaments municipaus

Aué s’a celebrat en Ajuntament de Vielha e Mijaran eth Plen Municipau en qué s’a aprovat, entre d’auti punts, era dusaua modificacion deth Pressupòst der exercici 2017 per un impòrt totau de 1.365.000 èuros entà destinar a disparières partides, coma era anullacion des crédits bancaris deth Palai de Gèu, era adeqüacion deth Refugi Sant Nicolau, òbres, neteja e jardineria des espacis comuns, mantenença e conservacion d’installacions esportiues, major mobiliari urban e casetes de contienedors de lordères e entara contractacion de personau temporau.

Juan Antonio Serrano, baile de Vielha e Mijaran declaraue qu’"auer assumit era gestion deth Palai de Gèu a prumèrs d’an supause er incrementar deth pressupòst dera corporacion entà assumir es besonhs deth municipi" e ahigie "aguesta modificacion servirà entà poder atier ahèrs coma es òbres deth futur centre de joenessa, era prumèra fasa de modernizacion der hilat d’aigua, qu’ei obsoleta, o dar compliment ara nòrma de transparéncia qu’ei vigent des dera darrèra legislatura".

Ath delà s’a aprovat era modificacion des Nòrmes Subsidiàries e Complementàries dera Val d’Aran nùm. 3_2017 referent a usatges recreatius, que compòrte era proïbicion de naues licéncies en casc urban de bars musicaus, motivat pes nombrosi planhs vesiaus des establiments nocturni de léser. "Damb aguesta mesura çò unic que se hè ei a barrar era possibilitat de que se daurisquen naui establiments d’aguest tipe en zònes residenciaus en toti es pòbles deth municipi, en tot aufrir era possibilitat qu’es interessadi se poguen installar ena zòna industriau" explicaue eth baile.

Eth Plen a aprovat per unanimitat tanben dues mocions, remetudes pera Deputacion de Lhèida, referents ara seguretat ena N-230 per ua banda e per un aute, en contra des practiques abusives des empreses d’energia e peth compliment deth protocòu de praubesa energetica.

22/03/2017

Veir istoric

Inici

Agenda

Notícies

Guida

Mapa

Contacte

Menu

Newsletter

Email

Nòm

Cognòms

Soscriu-te

Notícies Veir istoric

Vielha e Mijaran incremente eth sòn pressupòst en 1.365.000€

Era modificacion pressupostària s’amie a tèrme entà anullar definitiuaments eth deute deth Palai de Gèu e poder realizar accions en hilat d’aigua, apraiar es desperfectes en carrèrs e diuèrses òbres entà adaptar equipaments municipaus

22/03/2017

Webs d’interès

Hilats sociaus