Notícies Veir istoric
Eth Club Soroptimist dedique eth sòn sopar benèfic annau ath futur centre de joenessa de Vielha e Mijaran
Era recaptacion se destinarà ara crompa der equipament entath centre plaçat en er aucidèr de Vielha. Es òbres d’adeqüacion començaràn en breu.
Eth pròplèu diuendres 7 d’abriu tàs 21.00 ores, en Otèl Tuca de Betren, eth Club Soroptimist Val d’Aran a organizat un sopar benèfic entà remassar sòs damb er objectiu de crompar equipaments entath nau centre de joenessa de Vielha.
Aguest centre, que serà plaçat en antic aucidèr de Vielha, comenzarà es sues òbres enes pròplèus setmanes e serà metut en foncionament a fins d’an, damb ua inversion per part der Ajuntament de Vielha e Mijaran de 30.000 èuros e qu’acuelherà activitats culturaus, esportiues e d’òci entàs joens de 10 a 15 ans damb un monitor titolat.
Es tiquets entà assistir se pòden crompar ena Oficina de Torisme de Vielha a un prètz per persona de 45 èuros.