Notícies Veir istoric
Vielha se solidarize damb es refugiats de Lèsbos en Grècia
Gràcies a ua accion solidària organizada per vesins deth municipi e era ONG Ovejas Negras, se recuelherà ròba e aliments der 1 ath 15 de mai ena Sala d’Exposicions de Vielha
Aué, dijaus 27 d’abriu, s’a presentat en Ajuntament de Vielha e Mijaran era ròda de premsa a on es vesies Marta Álvarez e Montse Palá conjuntament damb era ONG Ovejas Negras e SOS Refugiados, realizaràn ua recuelhuda de ròba, minjar, materiau de codina e tanben bicicletes der 1 ath 15 de mai ena Sala d’Exposicions de Vielha.
Aguesta accion s’a pogut realizar gràcies ara collaboracion der Ajuntament de Vielha e Mijaran qu’a cedit era Sala d’Exposicions de Vielha tà facilitar, tant ara organizacion coma as vesins, un locau en centre de Vielha. Juan Antonio Serrano, alcalde deth Municipi a declarat qu’ “er Ajuntament de Vielha e Mijaran ajudarà en tot çò que pogue ja que creiguem qu’ ei çò qu’ era socitetat demane”
Es images que mos an arribat pendent tot er iuèrn des campaments de refugiats en Lèsbos an estat colpadores. Fòrça pòbles, empreses e ONG’s s’an involucrat ena ajuda umanitària pendent es darrèri mesi. Encara qu’era pitjor estapa metereologica ja a passat, non cau desbrembar qu’encara demoren fòrca familhes en situacions inumanes.
Er orari entà hèr es donacions serà des 16 enquiàs 19 ores. Des der Ajuntament de Vielha e Mijaran animam a toti es vesins a participar en aquesta accion solidària tà ajudar a totes es familhes que mès ac an de besonh.
Se volètz conectar dirèctament damb es organizadores d’aguest gran projècte solidari podètz telefonar ath 619 468 263.