Notícies Veir istoric
Era Avenguda Castièro compde damb un nau sistèma d’ illuminacion led aerian.
Aguest nau sistèma a permetut eliminar es vielhi fanaus e a suprimit es barrères arquitectoniques e es elements des trepadèrs que shordauen eth pas.
Er Ajuntament de Vielha e Mijaran repren eth projècte de melhora e substitucion deth enlumenat deth municipi que s’inicièc er an passat. Er Ajuntament tanben preten renauir tot eth hilat d’ illuminacion dera via publica en tot eth municipi. Es modificacions mès destacables que s’an realizat en Vielha e Mijaran an estat ena Avenguda Castièro, a on s’an cambiat es fanaus convencionaus per auti mès modèrns e qu’aufrissen ua melhor illuminacion tant dera carretèra coma des trepadèrs.
Aguesti naui fanaus, an un dessenh aerian fòrça nau. Es fanaus van penjadi des façades des bastiments, d’aguesta forma es trepadèrs son mès amples e an mens barrères arquitectoniques entà toti aqueri que les transiten. Atau donques, s’a melhorat era accessibilitat enes carrèrs de Vielha e Mijaran e tanben se redusís notablement eth consum energetic.
D’auti lòcs a destacar enes que tanben s’a modificat er enlumenat an estat ena carretèra de Gausac, en Pas d’Arró e ena entrada de Vielha.
Entà Jacinto Cuny, Còsso d’òbres e servicis der Ajuntament de Vielha “Aguestes naues lantèrnes de led supausen un estauvi deth 60% donques qu’an lèu de 10.000 ores de durada. Atau, es carrèrs deth municipi gaudissen d’ua major illuminacion tant entà coches coma entà pedanhs”
Aguesti naui fanaus, an un dessenh aerian fòrça nau. Es fanaus van penjadi des façades des bastiments, d’aguesta forma es trepadèrs son mès amples e an mens barrères arquitectoniques entà toti aqueri que les transiten. Atau donques, s’a melhorat era accessibilitat enes carrèrs de Vielha e Mijaran e tanben se redusís notablement eth consum energetic.
D’auti lòcs a destacar enes que tanben s’a modificat er enlumenat an estat ena carretèra de Gausac, en Pas d’Arró e ena entrada de Vielha.
Entà Jacinto Cuny, Còsso d’òbres e servicis der Ajuntament de Vielha “Aguestes naues lantèrnes de led supausen un estauvi deth 60% donques qu’an lèu de 10.000 ores de durada. Atau, es carrèrs deth municipi gaudissen d’ua major illuminacion tant entà coches coma entà pedanhs”
04/05/2017