Notícies Veir istoric
Er Ajuntament de Vielha repren es trabalhs de neteja e de jardineria en toti es pòbles de Vielha e Mijaran.
Ath delà dera neteja des pòbles deth Municipi de Vielha e Mijaran, er equip d’òbres e servicis der Ajuntament tanben fomigarà es èrbes e apraiarà es escales d’accès ara glèisa de Sant Miquèu de Vielha.
Er Ajuntament de Vielha e Mijaran repren era limpiessa e fomigacion de èrbes en toti es pòbles deth Municipi, damb er objectiu d’eliminar des carrèrs totes aqueres èrbes que creishen enes treapdèrs e ena via publica. Per aquerò aguesta primauèra s’an reprenut es trabalhs de jardineria que consistiràn ena poda, segat e limpiessa, atau coma era mantenença des carrèrs de Vielha e Mijaran e dera rèsta de pòbles.
Bères des òbres mès destacades que se van a realizar en Vielha e Mijaran son era limpiessa des escales d’accès ara plaça dera glèisa de Sant Miquèu e eth pònt que trauèsse er arriu Nere en centre de Vielha. Tanben s’acabaràn es netejes enes cementèris e enes carrèrs des pedanies.
Entà Juan Antonio Serrano, baile de Vielha e Mijaran “Damb aguestes accions se preten contunhar damb es trabalhs de mantenença, neteja e fomigacion descarrèrs e cementèris de toti es pòbles de Vielha e Mijaran tà qué gaudisquen deth sòn melhor aspècte e accessibilitat”