Notícies Veir istoric
Vielha e Mijaran acuelh eth torneg de 30 ores de fotbòl sala
Enguan eth torneg celèbre era sua nauau edicion es dies 17 e 18 de junh en Palai d’Espòrts de Vielha.
Er eveniment organizat per Ajuntament de Vielha e Mijaran e pera AEFA (Associacion Esportiua Fotbòl d’Aran) en pòble de Vielha s’a convertit en un torneg fòrça important tant a nivèu provinciau coma autonomic.
Pendent es 9 edicions anteriores, an participat equips de tot arreu dera geografia catalana e tanben un equip pròplèu de Toulouse. Bèri des equips mès destacadi vien de Barcelona, Badalona, Vilanova e la Geltrú, Mora d’Ebre, Espluga de Francolí, Mollerusa, Llardecans, La Seu d’Urgell, Linyola, Tremp, Solsona e Lleida son bères ues des poblacions que participen en aguest torneg.
Era maraton de fotbòl sala començarà eth dissabte peth maitin e acabarà eth dimenge pera tarde. Eth equip campion guanharà un prèmi en metallic de 2.000€ e eth subcampion un de 750€.
Començara eth dissabte 16 pera tarde en Palai d’Espòrts. Prumèr se realizarà eth torneg infantil a on es dus finalistes jogaràn era finau eth dimenge, just abantes dera finau des 30 ores de fotbòl sala. Eth madeish diuendres pera net, se jogarà era liga dera AEFA Cup (era liga de fotbòl sala de la Val d’Aran) e eth dissabte peth maitin se començarà damb eth plat fòrt deth torneg, er inici des 30 ores qu’acabarà eth dimenge sus es 19:00 ores en Palai d’Espòrts de Vielha.
Es inscripcions ja son dubèrtes ena pagina web deth torneg www.30oresvielha.com
Ua dimenjada dedicada integralament ath fotbòl sala ena installacion deth Palai d’Espòrts, que place ath Municipi de Vielha e Mijaran coma un punt clau ena practica d’aguest espòrt.
11/05/2017