Notícies Veir istoric
Eth dimenge se celèbre eth romiatge er aunor a Santa Quitèria
Enguan coma novetat, des der Ajuntament de Vielha e Mijaran introdusim un guida de montanha qu’acompanharà a toti aqueri qu’ac desiren enquia Santa Quitèria, e tanben incorporam un grop de trail running.
Des der Ajuntament de Vielha e Mijaran celebram damb especiau emocion eth romiatge de Santa Quitèria.
Santa Quitèra ei era vèrge que protegís dera ràbia. Aguesta glèisa que se tròbe ena boca sud deth tunèl de Vielha, e ei part der auviatge deth Espitau de Sant Nicolau. Aguest Espitau siguec bastit per Alfonso II en S XII entà controlar eth transit a banda e banda deth pòrt de Vielha. Ans dempús, concrètaments eth 1948 damb eth bastiment deth tunèl, era glèisa de Santa Quitéria se convertic en lòc dera celebracion dera dubertura deth tunèl.
Enguan coma novetat, des der Ajuntament de Vielha e Mijaran auem contractat un guida de montanha, qu’acompanharà a toti aqueri que volgatz caminar enquiara ermita de Santa Quitèria. Ath delà, deth grop de senderistes, tanben i aurà un grop que realizarà trail running enquiara ermita.
Era gessuda se realizarà des dera plaça de glèisa de Vielha entàs 10h entath grop de senderistes. Eth grop de trail running gesserà un shinhau mès tard des deth madeish lòc.
Des der Ajuntament de Vielha metem a disposicion un servici d’autobús gratuït que gesserà des de Vielha as 10 e as 11 ores.
Eth romiatge se celèbre eth dimenge 21 de mai. Aguest romiatge ei especiau, donques que s’aufrís era missa er aunor a Santa Quintèria e era benediccion deth tèrme, e tanben se celebrarà un minjar popular entàs 14h seguit d’un balh de tarde. Des der Ajuntament de Vielha e Mijaran volem animar a toti es vesins entà que venguen a celebrar aguest romiatge tan especiau damb toti nosati.