Notícies Veir istoric
Er Ajuntament de Vielha e Mijaran fomente es espòrts populars enes installacions municipaus
Era signatura d’un convèni entre er Ajuntament de Vielha e Mijaran e eth Conselh Esportiu dera Val d’Aran garantirà era continuitat des activitats d’espòrt popular que se desvolòpen de seteme enquia junh en Palau d’Espòrts e ena Sala Pol
Eth passat 11 de mai de 2017, eth baile de Vielha e Mijaran Juan Antonio Serrano, signèc ath costat de María José Estévez, presidenta deth Conselh Espotiu dera Val d’Aran, eth convèni que permeterà dar continuitat en programa d’espòrt popular que se realize enes installacions esportiues municipaus.
Aguest acòrd nèish en an 2016 damb era volontat de dinamizar ath màxim es installacions esportiues municipaus e garantir era continuitat deth programa d’espòrt popular que promò eth Conselh Esportiu dera Val d’Aran e se realize en Vielha.
Entà Juan Antonio Serrano, baile de Vielha e Mijaran “volem que toti es vesins deth municipi poguen gaudir e hèr usatge des installacions esportiues damb programes que faciliten er accès ara activitat esportiua, que sense dobte favorís eth benestar des persones”