Notícies Veir istoric
Comunicacion mès activa entre es ciutadans e er Ajuntament de Vielha e Mijaran.
Era naua App de Participacion Ciutadana agilite era comunicacion entre ciutadans e es departaments der Ajuntament de Vielha e Mijaran.
Era naua App de Participacion de Ciutadana der Ajuntament de Vielha e Mijaran dinamize era comunicacion bidireccional entre ciutadans e es entitats municipaus. Ath delà, de forma parallela, agilite es comunicacions intèrnes entre es diferenti departaments der Ajuntament de Vielha e Mijaran.
Laguens dera App, era categoria d’Incidéncies ei un des protagonistes. Aguesta categoria d’Incidéncies permet a toti es usatgèrs er enviament d’un imprevist ena via publica, installacion municipau, seguretat, nhèu e can perdut mejançant ua fotografia geolocalizada e un brèu tèxte.
Ath delà, gràcies as categories de Notificacions e Soscripcions d’aguesta App, eth ciutadan pòt conéisher tota era informacion dera institucion a trauès de notificacions push arrecebudes eth sòn de mobil.
A trauès dera categoria de Suggeriments dera App de Participacion Ciutadana, eth ciutadan a ua boèta dirècta as còssos der Ajuntament, en tot perméter as vesins de Vielha e Mijaran exposar es sues preocupacions enes diferenti airaus der ajuntament: Espòrts e Joenessa, Cultura e Educacion, Òbres e Servicis, Alcaldia, o Miei ambient e Pagesia.
Jacinto Cuny, Còsso d’Òbres e Servicis, soslinhe que “Gràcies ara naua APP, es ciutadans pòden èster en contacte dirècte damb er Ajuntament e enviar totes es incidéncies que tròben er era via publica”. Aguest nau estrument permeterà conéisher totes es accions municipaus, hèr suggeriments e comunicar-se d’ua manèra activa en tot melhorar era qualitat de vida des persones que viuen aciu”.
Atau, aguesta App de Participacion Ciutadana apròpe forma reau en Ajuntament de Vielha e Mijaran damb toti es sòns ciutadans entà seguir optimitzant dia a dia totes es infrastructures publiques en benefici des sòns abitants.
25/05/2017