Notícies Veir istoric
Er Ajuntament de Vielha e Mijaran e era AEFA presenten eth Xau. Torneg 30 ores de fotbòl sala
Era dimenjada deth 17 e 18 de junh se celebrarà en Palai d’Espòrts de Vielha era Xau. edicion deth Torneg 30 ores de fotbòl sala, a on se concentren mès de 250 esportistes procedenti des províncies de Lleida, Tarragona e Barcelona.
Er Ajuntament de Vielha e Mijaran e era Associacion Esportiua de Fotbòl d’Aran an presentat era Xau. edicion deth Torneg 30 ores de fotbòl sala Vila de Vielha que se celebrarà en Palai d’ Espòrts era dimenjada deth 17 e 18 de junh.
Un totau de 20 equips participaràn en aguesta naua edicion vengudi de tota Catalunya, des quaus 8 son locaus. Enguan ath delà de celebrar eth tradicionau torneg, s’a amiat a tèrme era AEFA CUP, ligues de fotbòl sala que s’inicièren eth 21 d’abriu e finalizaràn eth 16 de junh just abantes deth torneg des 30 ores.
Juan Antonio Serrano, baile de Vielha e Mijaran, vò felicitar ara Organizacion peth gran trabalh hèt pendent aguesti 10 ans en un eveniment damb un impacte sociau e economic tan naut, atau coma eth profitament que hèn des installacions esportiues municipaus.
Ath delà deth tradicionau torneg dera dimenjada, se disputarà un torneg infantil entà qué es joeni entre 12 e 15 ans tanben poguen participar d’aguesta hèsta deth fotbòl sala en Vielha.
07/06/2017