Notícies Veir istoric
Vielha acuelh dues estapes dera 60au. edicion dera “Volta Ciclista Internacional a Lleida”
Era arribada aurà lòc eth diuendres 16 de junh pera tarde en Passeg dera Libertat e era gessuda eth dissabte 17 peth maitin des deth parcatge des antigues casèrnes militares de Vielha.
Era corsa s’iniciarà deman dijaus 15 de junh damb gessuda de Lhèida enquia Tremp, entà acabar en tot recórrer ath dia següent es 136km que separen aguesta localitat deth Pallars Jussà de Vielha. Era rota trauessarà eth Pòrt dera Bonaigua en tot constituïr ua des estapes mès dures dera Vòlta damb mès de 1000 mètres de desnivèu acumulat e en tot depassar es 2000 mètres d’altitud. Londeman, dissabte 17 de junh es ciclistes gesseràn de Vielha tà tornar a crotzar eth Pòrt dera Bonaigua e finalizar era tresau etapa dera Vòlta un aute còp en Tremp.
Entà Juan Antonio Serrano, baile de Vielha: "recuperar era Vòlta Ciclista Internacionau a Lleida e tornar hèr-la arribar enquiath nòste municipi signifique recuperar un eveniment esportiu istoric peth nòste territòri, que dempús des ans e gràcies tanben a fòrça d’auti eveniments, an artenhut plaçar era nòsta poblacion coma ua destinacion esportiua integrau e èster reconeishuda a nivèu internacionau". Higie ath delà qu’"arrecéber aguesta carrèra en Vielha supause tanben poder dinamizar eth sector otelèr e toristic pendent ua dimenjada tradicionauments pòc actiua".
Es afectacions de transit laguens deth municipi seràn:
Diuendres 16 de junh a compdar des 17: 07h: C-28 enquiara sua entrada en Vielha, Av deth Solan (Institut d’Aran), Av. Garona, Carrèr Reiau e Passeg dera Libertat enquias 18: 45 ores.
Dissabte 17 de junh a compdar des 13: 10h: des deth parcatge des antigues casèrnes militares, Carrèr dera Querimònia, Av Pas de Arro e C-28 enquias 13: 43 ores.
14/06/2017