Notícies Veir istoric
Vielha acuelherà era XIIau. Edicion dera PDF Non Stop MTB Ultramarathon
Era PDF Non Stop MTB Ultramarathon arribe ara 12au. edicion e en 2017 serà eth prumèr Campionat d’Euròpa MTB Ultramarathon.
Eth Sr. Sr. Juan Antonio Serrano, Alcalde der Ajuntament de Vielha e Mijaran; eth Pep Vega, Director dera corsa e President deth Club Clicista Pedales del Mundo e eth Sr. Roberto Boya, President dels Volentaris d’Aran; an presentat aué ena Sala d’Actes der juntament de Vielha e Mijaran era 12au. PDF Non Stop MTB Ultramarathon qu’aurà lòc es dies 1 e 2 de junhsèga.
Era Union Europèa de Ciclisme (UEC) a confiat ena qualitat e ena experiéncia acumulades pendent aguesti ans e aguesta pròva proclamarà as Campions d’Euròpa Ultramarathon de BTT çò que supause un reconeishement oficiau per part dera UEC e era UCI( Union Ciclista Internacionau).
Era rota seguís er itinerari dera mitica Pedals de Foc ena sua major part. Passe pes comarques dera Val d’Aran, era Alta Ribagorça, eth Pallars Jussà e eth Pallars Sobirà. Es darrèri ans a estat eth Campionat d’Espanha dera especialitat, e en 2016 s’arribèc ath recòrd d’inscripcions damb mès de 800 ciclistes.
Era Pedals de Foc Non Stop 2017 constarà d’uns 213 quilomètres e 6.200 mètres de desnivèu positiu damb gessuda e arribada en Vielha que serà era protagonista deth calendari MTB estatau e europèu.
En paraules der Alcalde, Sr. Juan Antonio Serrano:” Ei un orgulh tà nosati que per prumèr còp ena istòria sigue en Vielha a on se proclamen es campions d’Euròpa Ultramarathon de BTT” e higie que “Seguiram en tot collaborar damb eveniments de nauta qualitat que donguen prestigi ath nòste Municipi”.
15/06/2017