Notícies Veir istoric
Celebracion des santets de Casau e Betrén
Eth dimenge 2 de junhsèga se celèbren bèri uns des santets mès coneishudi des pòbles de Vielha e Mijaran
Era celebracion des santets de Casau e Betrén se tròbe a miei camin entre es romieuatges e es amassades populares. Aguestes celebracions nèishen deth besonh de subsistència dera gent d’Aran: era ramaderia, acompanhada d’ua fòrta devocion popular as sants e vèrges que se susvelhauen es sòns bestials e es sues tèrres.
Eth Santet de Betrén se celèbre er aunor a Sant Antòni e Sant Ròc. Dempús dera ceremònia religiosa, eth capelhan benedís es tèrres e se prosseguís a convidar ara gent a minjar e bevenda.
En Casau, per contra qu’ena majoria des pòbles, se celèbre era ceremònia era aunor ara Mair de Diu des de Nhèus, que se tròbe plaçada er un petit pilar ena Passada de Montaset.
Explique era legenda, qu’un grop de lairons e un capelhan que se dedicauen a panar bestiar sigueren castigats per Diu. Un dia, mentre se preparauen entà panar oelhes, subitaments era tèrra se dauric as sòns pès, en tot dar pas a aigües que se’n portèren as lairons ath hons d’un lac. Aguesti jamès sigueren trobadi. Tanben explique ua auta legenda, que quan es lairons se disposauen a panar es oelhes, es campanes de Casau cantauen “sèt lairons e un capelhan vos panen eth bestiar”. Atau, tot eth pòble se dirigic a on se trobauen es lairons e eth capelhan, e les auciren e enterrèren.
Juan Antonio Serrano, baile de Vielha e Mijaran declare que “es legendes e istòries son part dera cultura d’Aran. Ua cultura e tradicions que desiram que seguissen en vigor donques son era istòria deth nòste pòble. Per açò des der Ajuntament de Vielha e Mijaran credem er era importància de seguir en tot celebrar aguestes hèstes”.
Des der Ajuntament de Vielha e Mijaran volem animar a toti es vesins des municipis a assistir as celebracions, coma ua forma de mantier viua era cultura e tradicions dera nòsta istòria.
Era celebracion de toti dus santets se realizarà eth dia 2 de junhsèga ara 11h apuprètz.
Vos demoram!
30/06/2017