Notícies Veir istoric
Mès de 700 participaires ena 1ª edicion deth Trail Vielha-Molières 3010
Era Maraton corone eth Tuc de Molières de 3010 m, tet dera Val d’Aran.
Aguest dissabte 15 de junhsèga se celèbre era prumèra edicion deth Trail Vielha-Molières 3010. Aguesta prumèra edicion compde damb dus recorreguts: ua Maraton de 40 km e 4.000 m de desnivèu positiu, e ua Mieja Maraton de 21 km e 1.600 m de desnivèu.
Es inscripcions ara Maraton se tròben agotades dempús de tres mesi, e es dera Mieja Maraton pendent hè un mes. En totau, quate cents corredors haràn concurréncia ena Maraton mès nauta, e possiblaments, mès exigenta de tot eth Pirenèu donques que i a 1.000 mètres de desnivèu cada 10 km. Es participaires provien de tota Espanha, ath delà d’autes cinc païsi diferenti. Atau madeish, an confirmat era sua preséncia corredors de naut nivèu, coma com Gemma Arenas (Campiona d’Espanha de Trail 2017), Marc Pinsach, Toti Bes, Antonio Baile, Maria Beringues...
Gràcies as mès de 60 volontaris que seràn pendenti qu’es pròves s’amien a tèrme damb tota era seguretat que i a de besonh. Ath madeish temps, cau destacar es mès de 7.000 litres de liquids que seràn transportadi er elicoptèr ena montanha entàs corredors.
Era gessuda dera Maraton se realize ena Plaça dera Glèisa de Vielha entàs 6:30 deth maitin, e entàs 9:00 era Mieja Maraton. S’estime qu’era arribada deth prumèr corredor dera Maraton ena madeisha plaça de Vielha dempús de 7 ores er era montanha, era quau causa demòstre era duretat e exigéncia dera pròva.
Eth Trail Vielha-Molières ei organizat peth Centre Trail Val d’Aran, eth Club Excursionista d’Aran e er Ajuntament de Vielha. Compde damb era collaboracion des Volentaris Val d’Aran.
14/07/2017