Notícies Veir istoric
Er Ajuntament de Vielha e Mijaran collabòre damb associacions, entitats e esportistes de naut nivèu a trauès de subvencions.
Gràcies ara dusau convocatòria de subvencions d’enguan 2017, er Ajuntament de Vielha e Mijaran destinarà recorsi economics entà activitats qu’agen impacte en municipi.
Per acòrd de Govèrn Locau der Ajuntament de Vielha e Mijaran deth passat dia 11 de junhsèga, er Ajuntament de Vielha e Mijaran lance era dusau convocatòria de subvencions. Aguestes ajudes van destinades ara organizacion d’actes e activitats restacades damb er espòrt, musica, cultura, joenessa, servicis sociaus, torisme, hèstes e educacion entre d’auti.
Es impòrts d’aguestes subvencions se concediràn en foncion dera fin que se solliciten e non poderàn excedir des quantitats assignades. Eth tèrme de finalizacion d’aguestes ajudes s’aurà de realizar coma fòrça tard eth 30 de noveme de 2017, a excepcion d’aqueres que se realizen pendent eth cors escolar. Es interessadi en aguestes subvencions an enquiath dia 30 de seteme de 2017 entà presentar tota era documentacion de besonh.
Eth passat mes de junh, per acòrd locau deth Conselh deth Govèrn Locau damb data deth 13 de junh de 2017, er Ajuntament de Vielha aprovèc ua naua línea de subvencions ena quau preten collaborar damb es esportistes de naut nivèu que participen es competicions europèes, internacionaus o Jòcs Olimpics.
Aguesta subvencion vò collaborar damb eth rendiment des esportistes en tot aufrir 10 abonatges annaus entàs installacions deth Palai de Gèu pr’amor qu’es esportistes poguen arténher es sues mètes esportiues e que tanben collabòren coma ambaishadors deth territòri.
Er objectiu d’aguestes ajudes e subvencions preten fomentar era participacion activa des entitats e enterpreses plaçades en Vielha e Mijaran que realizen eveniments o activitats qu’agen un impacte sociau e economic en municipi de Vielha e Mijaran.
Entà Juan Antonio Serrano, baile de Vielha e Mijaran “aguestes ajudes son de besonh entà dinamizar e potenciar es diferentes activitats que se volguen realizar en Vielha e Mijaran, damb er objectiu de generar un impacte sociau en toti es nivèus possibles. Ath delà, gràcies as subvencions entà esportistes de naut nivèu, des der Ajuntament volem collaborar ena obtencion des sòns objectius e assolidar aguest modèl de municipi coma un referent esportiu a nivèu estatau”.
Entà conéisher es subvencions e es bases dera dusau convocacion:
Ací convocatòria
Ací Bases
Entà conéisher descargar es subvencions a esportistes d’elèit:
Ací Bases
Ací convocatòria
19/07/2017