Notícies Veir istoric
Er Ajuntament de Vielha e Mijaran melhore er entorn der arriu Nere ath sòn pas per Vielha.
Es trabalhs de neteja se centraràn principauments a retirar residus solids e a netejar eth lhet de vegetacion.
Er Ajuntament de Vielha e Mijaran amassa damb eth Conselh Generau d’Aran an iniciat es trabalhs de neteja deth lhet der arriu Nere ath sòn pas peth casc urban de Vielha. Es dues entitats publiques s’an junhut entà melhorar era conservacion e era mantenença der arriu Nere coma un des atractius naturaus dera poblacion.
Er arriu Nere trauèsse Vielha e represente un recors naturau, culturau e economic destacat entre es abitants dera poblacion. Aguest arriu siguec hònt de creishement deth mon rurau de Vielha: ère eth principau provediment d’aigua entàs hònts, òrts e bestiar. Atau madeish, ath torn der arriu se bastien es relacions sociaus e se realizauen prètzhèts domestics, ath madeish temps que se desvolopaue era indústria idraulica.
Entà Juan Antonio Serrano, baile de Vielha e Mijaran, “er arriu Nere ei un des elements mès caracteristics de Vielha, non solaments pera sua beresa, mès peth sòn simbolisme patrimoniau entàs abitants de Vielha. A trauès der arriu s’estructurèc tota era poblacion e pòga pòc a anat creishent enquia convertir-se eth çò qu’ei aué dia.”