Notícies Veir istoric
Celebracion deth Santet de Gausac eth pròplèu 6 d’agost
Romiatge en aunor ara Mair de Diu des Nhèus.
Dimenge 6 d’agost se realize eth romiatge ath Santet de Gausac.
En romiatge se realizarà ua missa er aunor ara Mair de Diu des Nhèus.
Aguest romiatge se remonte as ans quaranta. Ei sense dobte, un des romiatges mès recents dera Val d’Aran. Dempús dera guèrra civiu en nòste país, eth pòble de Gausac volec disposar d’un lòc de romiatge pròpri atau coma auien d’auti pòbles deth territòri. Atau donques, er an 1940 se creèc eth petit santuari que vedem aué dia que hè aunor ara Mair de Diu des Nhèus.
Eth pòble de Gausac tanben se prepare entara sua hèsta major es pròplèus 14, 15 e 16 d’agost. Era programacion des hèstes d’enguan aufrís un ample ventalh d’activitats tant entàs petiti coma entàs majors. Talhèrs de musica, jòcs ena piscina, espectacles de magia e session de balh entre autes activitats.
Juan Antonio Serrano, baile de Vielha e Mijaran soslinhe que “es romiatges an ua importància ena cultura des nòsti pòbles. En es romiatges, ath delà d’onorar as sants o vèrges e crear comunitat damb era assisténcia de toti es vesins, tanben supausen un acte culturau entàs locaus atau coma entad aqueri toristes que non coneishen es tradicions dera Val d’Aran”.
Des der Ajuntament de Vielha e Mijaran e des der EMD de Gausac volem convidar a toti a assistir ath romiatge que se celebrarà aguest dimenge en Gausac.
01/08/2017